पढाउने बाहानामा शिक्षिकाबाटै छात्रामाथि यौन शोषणपछि मध्यरातमा रुँदै निस्के

२३ फागुन, कास्की । कास्कीको एक विद्यालयमा शिक्षक शिक्षिकाबाटै शारीरिक र मानसिक यातना पाएपछि विद्यार्थीहरु न्यायनको गुहार माग्दै सडकमा उत्रिएका छन् । कास्कीको लुम्लेस्थित बालमन्दिर माध्यमिक विद्यालयमा आवासीय रुपमा अध्ययनरत विद्यार्थीहरु शिक्षक शिक्षिकाको मानसिक र शारीरिक यातना अति भएपछि सोमबार मध्यरातमा पोखराको नदीपुरस्थित नगरप्रशिक्षण केन्द्रमा रुँदैं गुहार माग्न पुगको नेपाल समाचारपत्रसहितका पत्रपत्रिकामा खबर छ । विद्यार्थीहरु तीन महिनादेखि विभिन्न यातना सहँदै आएको थिए । प्रशिक्षण केन्द्रमा विद्यार्थीको रुवाबासीले वातावरण निकै तनावपूर्ण बनेको थियो । आक्रोशित विद्यार्थीले शिक्षकमाथि समेत हातपातको प्रयास गरेका थिए । पढाउने बाहानामा छात्रामाथि यौन शोषण

मोरङ बेलबारी १ नसालबारीका एक शिक्षकले आफूले पढाएका विद्यार्थीलाई मायाजालमा पारेर यौनशोषण गर्दै आएको रहस्य खुलेको छ । नक्सालबारीका शिक्षक गणेश दुलालले कक्षा ९ पढ्दादेखि एक छात्रालाई यौन शोषण गर्ने गरेको तथ्य खुलेको हो ।

१३ बर्षको हुँदादेखि यौन शोषण गर्दै आएका शिक्षक दुलालले डेटिङ जाउँ भन्दै ती बालिकालाई यौनशोषण गर्दै आएका थिए । पटक पटक यौन शोषण गर्ने गरेका दुलालले आफ्नो मोबाइलमा बालिकाका नग्न तस्बिरसमते गोप्य रुपमा खिचेर राखेका थिए । तर, गत ३ फागुनमा ‘भ्यालेन्टाइन डे’ का अवसरमा बालिकालाई डेटिङका लागि अफर गरेका दुलालले उनले नमानेपछि आफुले खिचेका नग्न तस्बिर सामाजिक सञ्जाल फेसबुकमार्फत सार्वजनिक गरेका थिए ।

उनका तस्बिरबारे विदेशमा रहेका आफन्तले परिवारमा जानकारी गराएपछिमात्र शिक्षक दुलालले यौन शोषण गर्दै आएको खुलासा भएको बालिकाका आफन्त बिष्णु फुयाँललाई उदृत गर्दै राजधानी दैनिकले खबर छापेको छ ।