१३ चैत, काठमाण्डौं । एकीकृत नेकपा माओवादीका मधेसी नेताहरुले छुट्टै पार्टी गठनका लागि अन्तिम चरणको गृहकार्य सुरु गरेका छन् । पार्टी अध्यक्ष पुष्पकमल दाहाल प्रचण्डलगायतका नेताहरुले आफूहरुको माग सुनुवाई नगरेको ठहर गर्दै एमाओवादी परित्याग गरी नयाँ पार्टी गठनमा उनीहरु जुटेका हुन् ।
एमाओवादीबाट बिद्रोह गरी नयाँ पार्टी गठन गर्ने निर्णयमा पुगेका मधेसी नेताहरुको नेतृत्वमा उपाध्यक्ष तथा निवर्तमान प्रधानमन्त्री बाबराम भट्टराईनिकट नेता प्रभू साहले गर्ने भएका छन् । प्रधानमन्त्री रहेका बेला भट्टराईका प्रेस सल्लाहकार रहेका नेता रामरिझन यादबको निवासमा केही दिनअघि बसेको गोप्य बैंठकले नयाँ पार्टी गठन गर्ने निर्णय गरेको एक नेताले जानकारी दिएको खबर राजधानी दैनिकले छापेको छ ।
उनका अनुसार सोही बैठकले साहको नेतृत्वमा मधेस कम्युनिष्ट पार्टी गठन गर्ने निर्णय गरेको हो । बैठकमा प्रभु साह, भरत साह, रामरिझन यादब, रामकुमार शर्मा, विश्वनाथ साह, रामकुमार यादबलगायतका मधेसी नेता सहभागी थिए ।
सोही बैठकको निर्णय अनुसार एमाओवादीका सवै मधेसी नेताहरुले पार्टीबाट बिद्रोह गरी नयाँ पार्टी गठन गर्न लागेको स्रोतको भनाई छ । ‘नेतृत्वले तत्काल हाम्रो माग सम्बोधन नगरे प्रभुजी को नेतृत्वमा केही दिनमै मधेस केन्द्रीत मधेश कम्युनिष्ट पार्टी गठन हुन्छ,’ एमाओवादीमा बिद्रोहमा लागेका एक मधेसी नेताले भने
एमाओवादीका मधेसी नेता पार्टी छोड्ने तयारीमा
