साउन यता राजधानीमै २६ सय सवारी दुर्घटना !
९८ को मृत्यु, १८ सयभन्दा बढी घाइते

उपत्यकामा कुन महिनामा कति दुर्घटना ?

दुर्घटनाको कारण :



शहरदेखि ग्रामीणस्तरसम्मको साँघुरो सडक, कच्ची बाटो, भौगोलिक बनावट, खुल्ला प्रतिष्पर्धा, ट्राफिक नियमको उल्लंघन, लाइसेन्स वितरणमा घूसखोरी, तीव्रगति, मद्यपान, धूमपान, क्षमताभन्दा बढी यात्रु ओसार्ने, गाडीको नियमित चेकजाँच र मर्मत नगर्ने, ट्राफिक नियम र ज्ञानको अभाव सडक दुर्घटनाका मुख्य कारण हुन् ।

जाडोमै बढी किन ?

ट्राफिक प्रहरी महाशाखाको तथ्याँक अनुसार उपत्यकामा जाडो महिनामा बढी सवारी दुर्घटना हुने गरेको छ । ‘जाडोमा हुस्सु, कुहिरो लाग्ने र मापसे गर्नेहरु बढी हुने गरेकाले दुर्घटना बढी हुने गरेको हो’ ट्राफिक प्रहरी प्रवक्ता पवन गिरीले अनलाइनखबरसित भन्नुभयो । यस्तोबेला ज्यालामजदुरी गर्ने पैदलयात्रीले समेत मापसे गरेर जथाभावी हिँड्ने गर्दा गाडीले ठक्कर दिने सम्भावना बढी हुन्छ ।

तथ्यांक नै दिन सक्दैन प्रहरी

देशभर भएका घटना र दुर्घटनाको अभिलेख राख्ने काम प्रहरीको हो । तर प्रहरीसँग काठमाडौं उपत्यकामा भएका दुर्घटनाको मात्र तथ्यांक छ । ट्राफिक प्रहरी महाशाखाले राजधानीमा हुने साना दुर्घटनाको पनि हिसाब राख्छ । तर देशका बिभिन्न ठाउँमा भएका ठूला दुर्घटनाको अभिलेख राख्दैन । सबै ठाउँको दुर्घटना प्रहरी मुख्यालयले हेर्ने महाशाखाका एक प्रहरी अधिकृतले भने । तर, प्रहरी मुख्यालको अभिलेख र जनसम्पर्क शाखामा सम्पर्क गर्दा पनि तथ्यांक पाउन सकिएन । तथ्यांक चाहिने भए सम्बन्धित जिल्ला प्रहरी कार्यालयमा सम्पर्क गर्नुपर्ने मुख्यालयका एक प्रहरी अधिकृतले जवाफ दिए ।